Zoeloe Wikipedia

Zoeloe Wikipedia
Tipe webblad	Wiki
Taal(e)	Zoeloe
Registrasie	Opsioneel
Eienaar	Wikimedia Stigting
Outeur	Die gemeenskap
Huidige status	Aktief
URL	http://zu.wikipedia.org/

Die Zoeloe Wikipedia is die Zoeloe-weergawe van Wikipedia, 'n gratis, ope-inhoud aanlynensiklopedie. Volgens die aantal artikels is dit die 162ste grootste Wikipedia-projek.^[1]

Aangesien Zoeloe onderling verstaanbaar is deur Xhosasprekers (albei is Nguni-tale) is dit moontlik om artikels uit die Zoeloe-uitgawe maklik in Xhosa te vertaal vir die Xhosa Wikipedia. Soortgelyke transwikipogings is aangewend vir die Skandinawiese taaluitgawes, soos die Sweedse, Noorse en Deense Wikipedias.

Daar is in Januarie 2012 voorgestel dat die Zoeloe Wikipedia gesluit word weens 'n gebrek aan aktiwiteit, 'n voorstel wat verwerp is in Maart 2012.

Die Wikipedia het tans 25 455 bladsye, waarvan 11 429 artikels is. Dit het 21 861 geregistreerde gebruikers, waarvan 51 as aktief gereken word. Hierdie gebruikers het in totaal 109 013 wysigings aangebring en 0 lêers opgelaai.

1. ↑ Lys van Wikipedia-tale